Kalibo Aklan ———–Dapat nga maitao it mga kompaniya ro 13th month pay it mga empleyado sa pihak it ginapangtubang nga COVID-19 pandemic.
Raya ro pagklaro it Department of Labor and Employment (DOLE-Aklan).
Suno kay Joselito Dela Banda , it DOLE-Aklan nga pwedeng makabaton ro mga empleyado it 13th month pay nga nakatrabaho sa sueod it sang buean base sa Presidential Decree 851.
Ginpaathag kara nga ro kabilugan nga basic salary nga ginabaton sa sueod it anang gintrabahuhan hay iga-divide sa 12 months.
Ginklaru pa kara nga ro mga nag-retiro ag nag-resign nga mga empleyado hay pwede pa nga maka-avail it andang 13th month pay.
Sa pihak nga parte, ro Christmas bonuses suno kana hay owa nakabaehag sa laye ag raya hay nakadepende sa employer.
Samtang, gin engganyo ni Banda ro tanan nga may reklamo sa andang kompaniya nga magpaeapit ukon magtawag sa andang taeatapan agud masolbar ro andang problema.
