Kalibo Aklan ——-Patay ro sangka 14-anyos nga binatilyo matapos nga maeumos samtang nagapaligos sa suba nga sakop it Brgy. Jumarap, Banga.
Nakilaea ro biktima nga si Justin Bryan Carbonell ag residente it Brgy, Poblacion sa nasambit nga banwa.
Base sa report, nagsaeampitan nga magpaligos sa suba ro biktima ag anang daywang kaibahan nga parehong 12-anyos.
Samtang nagapaligos hay napan-uhan eon lang sigon it anang mga kaibahan ro biktima nga matsa nagakaeomos ag nagapangayo it tabang.
Apang, pareho sigon nga indi kantigo mag-eangoy ro mga raya rason nga owa sanda it nahimo.
Ginasugid nga sangka may sangka residente nga nakapan-o sa hitabu kung siin gilayon kara nga ginbuligan ro biktima apang nagapang-gaob eon raya kat mahaw-as halin sa tubi.
Angot kara, may nakita sigon nga gaob sa ueo ag dughan nga porsyon it biktima kung siin ginapatihan nga nagdive raya ag umigo sa jackstone.
Gintinguhaan pa nga madaea sa Aklan Provincial Hospital ro biktima apang gindeklara man nga patay it nagtatap nga doktor.
