KALIBO, Aklan — Bangud sa maeain nga tiempo, kritikal ro sangka estudyante nga babaye matapos nga mabagsakan it puno it kahoy samtang nga nagapa-agto sa eskwelahan sa Brgy. Angas, Batan.
Nakilaea ro biktima nga si Jenelyn Olay, 14, residente it nasambit nga lugar ag naga-eskwela sa Angas Integrated School.
Base sa report, samtang nagatikang ro biktima hay gulping nabali ro puno it kahoy sa kilid it daean ag tinamaan ro dalagita it sanga sa ueo.
Insigida raya nga gindaea sa Aklan Provincial Hospital, apang bangud sa grabeng lastro sa ueo hay ginpakamayad it anang pamilya nga daehon sa siyudad it Iloilo.
Sa pinaka-ulihi nga report, binawian it anang hueam nga kabuhi ro biktima samtang ginabueong sa Western Visayas Medical Center sa siyudad it Iloilo base sa kumpirmasyon it anang ama.
