POLICE Report — Ginilitan ro sangka 14-anyos nga estudyante sa Cebu City it anang 18-anyos nga boyfriend bangud sa sangka emosyonal nga breakdown.
Indi magnaba sa ap-at nga nina sa leog ag gaob sa likod ro naangkon it biktima halin sa anang nobyo.
Ro biktima nga nakilaea sa pangaeang “Sophia,” hay nasapwan nga duguan sa comfort room (CR) it andang eskwelahan it anang igkampod nga insigida man nga nagpangayo it bulig sa mga manugturo.
Gindaea ro biktima sa ospital.
Sa follow-up nga operasyon, gin-aresto it Mabolo Police ro suspek nga kaklase man it biktima.
Ginasugid nga gusto eon it biktima nga makipagbueag, apang nagpamalibad ro suspek ag gindaea imaw sa sangka abandunadong CR kun sa siin gingilitan imaw gamit ro kutsilyo.
Owa pa nakumpirma it eskwelahan kun may romantic nga relasyon ro dawya, ag nagpatigayon eon it intervention program sa mga estudyante.
Ginlaygayan it kapulisan ro publiko nga punduhon ro pagpakalhit it saea nga impormasyon angot sa insidente.
Igapasaka ro kasong frustrated homicide kontra sa suspek.
