KALIBO, Aklan—Kapin sa 14 ka mga indibidwal ro nadakpan it Kalibo PNP sa ginpatigayon nga operasyon sandig sa pagpatuman it laye ag mga polisiya kaangot sa pagsukoe ag pagtapna sa pandemya daea it Covid-19.
Ro nasambit nga mga indibidwal nga ginakaeakipan it tatlong ka mga kababayin-an ag 11 ka mga kaeaeakin-an hay nag-eabag sa physical distancing ag curfew ordinance nga ginapatuman sa banwa it Kalibo.
Nasayuran nga ro bilog nga probinsya it Aklan hay nagapabilin gihapon sa modified general community quarantine hasta sa Agosto 15,2020.
May kaangtanan kara, hugot sa gihapon ro padumdom it mga health authorities nga sundon ro minimum health protocols kaparehas it mandatory nga pagsuksok it facemask ag pag-obserba sa physical distancing agud nga malikawan ro makataeapon nga sakit.
