KALIBO, Aklan–Nag-abot eun sa kapin sa 148 ka mga pamilya maghalin sa banwa it Altavas ro natigayon nga ma-evacuate it mga otoridad bangud sa gihapon sa naexperiensyahan nga pagbaha matapos ro sigidas nga pagbubo it mabaskog mga uean umpisa pa kahapon nga adlaw.
Sa nasambitan nga numero, 50 kara ro maghalin sa barangay linayasan; cabangila,27; dalipdip,18; lumaynay, 15; poblacion,17; lupo, 10; Ginictan, 7; ag Catmon, 4.
Suno kay Ms. Jerose Solita Panadero it MDRRMO-Altavas nga sa makarun hay nagapabilin nga apektado ro pilang porsiyon it andang banwa.
May pilang ka mga daeanon man sigon ro bukon eun it passable para sa mga maintok nga saeakyan.
Samtang kabie hay maabo man sigon sandan nabuligan nga mga pomoeuyo nga gustong magtabok maghalin sa boundary it Altavas paadto it Man-up, Batan.
Sa pihak nga parte, ginpasiguro man it MDRRMO-Altavas nga 24/7 nga magabantay ro andang mga tawuhan kun sa siin full force makarun sanda sa pagbantay ag pagtao it bulig sa publiko.
