Sueod sa line up it Batang Gilas 16 under ro sangka 15-anyos nga 6 footer nga Aklanon basketball player nga si Emmanuel Robert Guarino Simple.
Sa pakikipag-angot it Bombo Radyo Kalibo kay Emmanuel, ginpakigbahin nana nga ro nasambit nga kadaeag-an hay mabahoe nga opourtunidad raya para sa anang kagustuhan sa napili nga patag it hinampang.
Paathag nana, ku tyempo it pandemya nag-umpisa ro anang pag-angkon it interest sa nasambit nga hampang kun sa siin mismong ro anang ama ro nag-turo kana.
Sambilog man sa naging inspirasyon nana sa pag-hampang ro anang tiyo.
Dugang pa kara, naging puhunan nana ro anang disiplina, tyaga, ag pangamuyo sa pag-abot sa mga kadungganan nga naaangkon eon nana makaron.
Si Emmanuel hay presenteng naga-eskwela sa La Salle GreenHills kun sa siin myembro man imaw it andang basketball team sa NCAA .
Nauna eon imaw nga nag-try out sa Batang Gilas ku nagtaliwan nga dag-on apang uwa raya naging madinaeag-on.
Apang makaron nga dag-on uman rayang nag-hana, sa bulig eon man it pag-rekomenda kana it anang coach sa nasambit nga team.
