15-anyos weightlifter Angeline Colonia nag-uli it 2 gold ag silver sa torneo sa Uzbekistan

Nakasikyar it  daywang gold ag sangka silver medal ro 15-anyos nga weightlifter nga si Angeline Colonia sa kakatapos eang nga Asian Youth ag Junior Weighlifting Championships nga ginhiwat sa Tashkent, Uzbekistan.

Madinaeag-on nga ginhakwat kara ro 62 kilograms sa snatch ag ginbasag ro world ag Asian youth standard nga 61 kgs. sa women’s 40 kg. category.

Samtang, nagtapos man raya it silver sa clean and jerk sa 72 kgs. kung siin natigayon nga piyerdihon imaw ni Duong Thi Kim Yen.

Sa pihak nga parte, Si Angeline hay manghod ni Olympian Nestor Colonia ag gumankon ni   1988 Seoul Olympian Gergorio Colonia.