NATIONAL News — Nakalista ro Philippine National Police (PNP) it 15 nga kaso it indiscriminate discharge of firearms antes ro pagsug-aeaw sa Bag-ong Dag-on.
Hasta ko Domingo, Disyembre 29, ginpahayag it PNP nga may ap-at nga indibidwal ro naninahan bangud sa stray bullets.
Tatlo sa mga raya hay naghalin sa National Capital Region (NCR), samtang ro sambilog hay naghalin sa Zamboanga Peninsula.
May una man nga nailistang an-um nga kaso it indiscriminate firing halin sa Calabarzon, ap-at sa NCR, ag daywa sa Central Visayas.
May tig-sambilog nga insidente man ro nailista halin sa Zamboanga Peninsula, Davao Region, ag Cordillera Administrative Region.
Samtang, ginpahayag ni PNP spokesperson Police Brigadier General Jean Fajardo ko Sabado nga pauman-uman sanda nga nagapadumdum sa mga pulis nga gamiton eamang ro andang mga baril sa mga misyon.
Mabuhay eon suno kana nga gina-practice nga owa ginabutangan it tape ro punta it baril it mga pulis kada Bag-ong Dag-on bangud sa pagpati nga disiplinado ro mga raya.
