Nakataeana nga mag abot sa nasyon makarong dominggo ro kabilugang 15 ka Overseas Filipino Workers halin sa Lebanon.
Suno sa Department of Migrant Workers(DMW), kung uwa it magiging problema, maabot eon sa Pilipinas ro 15 ka OFW pag-abot it Oktobre-3.
Unang gintaeana ko Setyembre-26 ro pagbalik it nasyon it mga mismong trabahador apang nag angon it delay bangod sa suspension it pilang ka mga flight.
Halin sa masubra ka 11,000 OFW nga presenteng sa Lebanon, masubra 1,100 kanda ro nagpahayag it interest nga makabalik sa nasyon kasunod eon man it lalo pang nagainit lala nga kinagamo sa tunga it Israeli Defense Forces ag militanteng Hezbollah.
Halin ko October 2023 hasta sa katung-anan it Setyembre, may una nga 430 Pinoy ro nakabalik eon sa Pilipinas. Kada isaea kanda, suno sa DMW hay nakabaton it tig-P75,000 pag abot nanda sa Pilipinas.
