KALIBO, Aklan—Nag-abot eon sa 5,543 ro kabilugan nga kaso it Coronavirus Disease 2019 ukon COVID-19 sa probinsya it Aklan umpisa nga magpanaeasa ro pandemya.
Raya hay bangud sa 150 nga nailisang bag-ong kaso it mga nagpositibo sa sakit.
Base sa datus nga ginpagguwa it Provincial Health Office, ginakaeakipan raya it 48 nga kaso halin sa banwa it Kalibo, 37 sa Buruanga, 24 sa Nabas, 16 sa New Washington, napueo sa Makato, pito sa Malay, tig daywang kaso sa Altavas, Balete ag Ibajay samtang tig sambilog sa Malinao ag Numancia.
Sa pihak kara, 87 man ro nadugang sa numero it mga nagmayad rason nga sumaka eon sa 4,509 ro total recoveries.
Samtang, daywa man ro nailistang bag-ong namatay rason nga humampak eon sa 123 ro death toll it probinsya pag-abot sa COVID-19.
Sa makaron, 911 pa ro nabilin nga aktibong kaso nga ginaeakipan it 757 nga naka-facility quarantine, 78 nga naka-home quarantine ag 76 nga admitted.
