Ginatantyang 1,500 modernized jeepney ag UV Express operators sa Western Visayas ro posibleng makabataon it hasta sa ₱60,000 nga financial assistance halin sa Land Transportation Franchising and Regulatory Board ukon LTFRB, kasunod it padayon nga pagtaas it presyo it gasolina.
Suno sa LTFRB region 6, makabaton ro mga kwalipikadong operator it ₱20,000 kada unit kada buean sa sueod it tatlong buean, halin Setyembre.
Kaibahan sa mga kwalipikasyon ro pag-angkon it valid nga Certificate of Public Convenience ukon CPC, provisional authority ukon special permit, rehistrado ag insured nga unit, ag uwa it nakabinbing kasong may kaangtanan sa operasyon.
Tuyo it ayuda nga makabulig sa pagbayad it amortization ag operating expenses ag malikawan ro loan default ukon pagconvert sa mga modernized public utility vehicle ukon PUV.
Bukon it sakop it programa ro traditional jeepneys.
Mag-eowas kara, may-una eon nga ₱12 kada litro nga fuel discount para sa mga kwalipikadong passenger jeepney ag UV Express operators sa bilog nga nasyon.
