KALIBO, Aklan—Gin-promote it Philippine National Police (PNP) sa Aklan ro 154 nga kapulisan sa sunod-sunod nga mass oath-taking, donning and pinning of ranks sa Aklan Police Provincial Office (APPO) headquarters matapos ro tradisyunal nga flag raising ceremony.
Ginpangunahan ni P/Brig. Gen. Rene Pamuspusan, regional director it Police Regional Office (PRO)-6 ro seremonya, kun sa siin, gin-congratulate kara ro mga na-promote kadungan ro paghangkat nga magtrabaho pa it mayad.
Nasayuran nga sambilog nga P/Major ro na promote paagto sa P/Lt. Col. nga nakilaea kay Aileen Rondario; sambilog man ro napromote halin sa P/Capt. paagto sa P/Major; 3 ro P/Lt. paagto P/Capt.; 2 ro P/Exec.MSgt. paagto sa P/Lt. samtang 46 ro Patrolman/Patrolwoman paagto sa P/Corporal; 35 ro P/Corporal paagto sa P/Staff Sgt. nga kon sa siin sambilog kara ro tagapaghambae it APPO nga si Jane Vega; 5 P/Staff Sgt. paagto sa P/Master Sgt ; 9 ro P/Master Sgt. paagto sa P/Sr. Master Sgt.; 14 P/Master Sgt. paagto sa P/Chief Master Sgt. ag 35 ro P/Chief Master Sgt. paagto sa P/Exec. Master Sgt.
Nakapasar ro mga raya sa qualification standards for appointment sa mas mataas nga PNP ranks, base sa National Police Commission (NAPOLCOM) Resolution.
Ginpahayag dugang nga ro promotion hay resulta it merit system agud nga taw-an it pagkilaea ro PNP uniformed personnel ag mapataas ro morale it police force.
Kaibahan it mga na promote ro andang mga natungdan nga pamilya.
