Ginkumpirma ni Senate President Francis “Chiz” Escudero, nga na-ilihir bilang presiding officer it impeachment court, nga kinahangean ro indi magnaba sa 16 nga boto it 24 nga senador para masintensyahang guilty si Vice President Sara Duterte sa impeachment trial.
Suno kay Escudero, nakabaehag sa Konstitusyon nga kinahangean ro pag-pasugot it two-thirds it kabilugan nga miyembro it Senado para mag-angkon it sintensya nga conviction.
Ro interpretasyon sigon ngara hay nagaka-igo man sa naging desisyon it Korte Suprema sa kasong Bayan v. Zamora ku 2000.
Ginpamilit man ni Escudero nga obligasyon it kada senator-judge nga sundon ro naga-iral nga laye ag siguraduhon nga patas ag uwa it gina-apinang pagpamati sa kaso.
Na-ilihir si Escudero bilang presiding officer sa botong 12 pabor ag waeong pagpamaeabag.
Nag-promisa man imaw nga alagaan ro integridad ag pagiging patas it bilog nga proseso it impeachment trial.
