Kapin sa 16 ka munisipalidad sa bilog nga probinsya it Aklan ro may ordinansa angot sa paglimita sa pagpanigarilyo ag pabawae kara sa mga pampublikong lugar.
Suno kay Jeus Padilla, coordinator it Smoke Free Aklan nga raya ro resulta it sigidas nga kampanya it andang adbokasiya kon sa siin ginsuportahan it mga natungdan nga LGU’s.
Handom nanda nga ro tanan nga LGU’s hay makaangkon it laye kaparehas kara bangud nga makabulig raya sa mga pumueoyo it banwa eabi eon sa mga pamatan-on nga inde eon pagpanigarilyo.
Mag-eowas kara, makabulig pa sa environment nga uwa kita it mahak-oe nga mahigko nga hangin.
Samtang, gin-ako ni Padilla nga nalisdan sanda sa paglobby sa andang programa sa lokal nga gobyerno it Malay bangud sa isla it Boracay nga sambilog sa mga source of income it Aklan.
Mas ginpaeabi suno kana ro negosyo ag raya sa makaron ro andang ginatutukan.
Apela nanda sa provincial government nga makapaguwa it laye angot kara agud nga mas maging mabakod pa gid ro programa nga igapresentar it uman sa banwa it Malay.
