16 katawo ninahan sa pagkarumpag it theme park ride sa India

Maswerteng nakaeuwas ag nakaangkon eamang it mga kahalitan sa eawas ro 16 nga katawo sa India matapos marumpag ro ginasakyan nada nga amusement rides.

Suno sa mga otoridad, gulpi eamang nga naduea sa kontrol ro drop tower sa sangka fair sa Mohali, Indian state it Punjab.

Nag-abot pa sa 50 pulgadang tuktok ro bilog nga platform antes raya daeayon nga bumagsak sa pinaka-idaeom.

Sakay it amusement ride ro kapin sa 50 katawo kat matabo ro  insidente aksidente.

Sa makaron, ginabueong eon sa ospital ro mga biktima nga naninahan sa leog, likod ag panga.