Mabahoe ro naging pagpasaeamat it 16 nga mga trabahador kay Kalibo Mayor Juris Sucro sa pagbulig kanda matapos nga gin-abandona it andang contractor sa andang barracks sa Barangay Ugsod, Banga.
Mag-eowas sa bulig nga food packs ag kabilugan nga 5,000 pesos nga bulig pinansiyal it alkalde hay ginhatdan man sanda it bulig it Department of Social Welfare and Development (DSWD) Region VI.
Suno kay kagawad mark sy it barangay poblacion , kalibo nga antes nga nag-uli hay nag-agto anay ro nasambit nga mga trabahador sa munisipyo apang napas-eawan nga personal nga mapasaeamatan si mayor sucro bangud nga owa pa raya naka-uli halin sa metro manila sa anang pagtambong sa unang state of the nation address ukon SONA ni pangueong Ferdinand “bongbong” marcos, jr.
Makabig suno kana nga achievement ag bugae nga maimbitahan ro kalibo mayor sa SONA.
Madumduman nga ginpangunahan ni Regional Director Ma. Evelyn Macapobre it DSWD-Western Visayas ro pagtau it bulig sa 16 nga mga obrero nga puro naghalin sa Laguna ag Bulacan matapos maka-abot kay DSWD Secretary Erwin Tulfo ro andang pagpangayo it pagkaon ag pamasahe pauli sa andang natungdan nga pamilya.
Ro kada obrero hay gintaw-an it DSWD it food packs ag tig- P10,000 pesos nga ayuda.
Nasayuran nga ro mga trabahador hay nagatrabaho sa ARRL Cable Installation Services nga gin-abandona it andang contractor halin sa GEDN OSP Designs and Services matapos ro haeos sang buean nga pagtrabaho
