Nakataeana nga igapa-uli it gobyerno ro kapin sa 162 distressed overseas Filipino workers sa Israel kasunod it naaagyan nga kinagamo sa nasmbitan nga lugar.
Sa ana nga departure speech sa Villamor Airbase sa Pasay City bago mag adto it Lao PDR ginpahayag ni Pangueong Ferdinand Marcos Jr. nga pagkaabot it nasyon hay insigida nga taw an it bulig ro mga pinoy nga paga pangunahan it Dep’t of Migrant Workers ag Overseas Workers Welfare Administration.
Sa sitwasyon man sa Lebanon, kapin sa 1,500 OFWs ro nag-apply para sa repatriation ag kapin sa 500 eon ro ginasugid nga nakauli, samtang gina-proseso eon ro mga dokumento it kadugangang 500 nga mga Pinoy.
Sa makaron gina proseso eon man it OWWA ro chartered flight para sa mga Filipino repatriates. Masadya man nga ginbalita ni Pangueong Marcos nga uwa it Pilipinong nasakit sa panibag-ong mga pag-atake it Hezbollah ag Iran sa Israel, kadungan it pagsiguro nga ginahimo it gobyerno ro tanan para sa kaeowasan it masubra sa 40,000 Pilipino sa Israel ag Lebanon.
Gin-assign it Pangueo ro mga sekretaryo it DFA, DMW, ag OWAA nga magsumite report kana adlaw-adlaaw.
