KALIBO, Aklan — Nagapadayun ro imbistigasyon it pulisya sa gina-alegar nga pagpanutok it baril it mga tawuhan it sangka kandidato sa pagka-mayor sa sangka 17-anyos nga binatilyo sa Brgy. Balusbos, Buruanga.
Base sa report, natabo ro insidente ko Abril 25, 2019 bandang alas 11:10 it gabi-i samtang ro biktima hay nagapa-agto sa likod it stage agud nga mag-ihi sa sueod it plaza it Brgy. Nazareth.
Sa pag-agi sigon nana sa prente it nakatambay nga daywang kaeaeakin-an nga ro sambilog hay nakilaea kay Allan dela Cruz, 23-anyos ag residente it Sitio Tapol, El Progreso, Buruanga hay gulpi imaw nga gintutukan it indi matumod nga kalibre it baril nga ginbo-oe halin sa sling bag ni dela Cruz .
Bangud sa kahadlok hay nagdaeagan pauli ro biktima .
Mag-eowas sa Buruanga Police Station, gina-imbestigahan man ro insidente it Department of Social Welfare and Development (DSWD).
