KALIBO, Aklan – – – Namatay samtang ginabueong sa Intensive Care Unit ukon ICU it sangka pribadong ospital ro sangka 17 anyos nga binatilyo matapos nga aksidenteng mabarilan it boga it anang kaugalingon nga kumpare sa sangka construction site sa sitio Hapay-Hapay brgy. Andagao, Kalibo.
Nakilaea ro biktimang si Christopher Orfanel nga nakaangkon it lastro sa anang ueo samtang ro suspek hay si Eljay Illavera, 25 anyos, parehong construction worker ag mga residente it brgy. New Buswang, Kalibo.
Samtang, eubus ro kasubo ni Mrs. Jeanettres Illavera, ina it suspek nga si Eljay bangud nga haeos magmaeanghod sigon ro pagkabig it daywa sa kada isaea.
Nagapati imaw nga aksidente eamang ro natabu ag ginaeauman nga magapasugot nga makaangkon it settlement sa kaso.
Raya hay sa pihak nga pursigido ro pila sa mga igmanghud it biktima nga kasuhan si Eljay.
Nauna kara, ginsaysay it suspek nga samtang sa 3rd floor sanda it gina construct nga building hay napan-uhan nana ro boga sa likod it pwertahan ag ginbo-oe.
Apang gulpi sigon raya nga eumupok ag inigo ro biktima sa ueo.
Ro suspek hay nagapabilin nga nakakulong sa Kalibo Police Station.
