KALIBO, Aklan–-Naging tulala ag na-shock pa ro sangka dalagita matapos nga ginhulikap it sangka motorista samtang nagapanikangon sa madueom nga bahin it karsada sa Kalibo, Aklan.
Base sa panaysayon it anang nobyo sa Kalibo Police Station, samtang nagapanikangon pauli ro 17-anyos nga biktima hay nataeopangdan sigon kara nga may nagasunod nga eaeaking nakamotor apang ginbaliwala eamang nana raya.
Kat nag-iping eon ro motorsiklo hay insigida sigon nga nagpanaog ro driver ag kadungan kara ro pagkupkop kana sa likod ag ginhulikap ro maselang parte it anang eawas sa ibabaw ag idaeom.
Dugang pa kara, kat pumalag imaw hay insigidang gintueop it suspek ro anang sueoksukan kabangdanan it anang pagkatumba.
Samtang, nakauli eamang ro biktima matapos nga buligan imaw it sangka motoristang nakaagi sa nasambit nga lugar.
Sa makaron hay nagapadayon pa ro imbestigasyon it pulisya sa nasambitang insidente.
