-- ADVERTISEMENT --
Ginpaidaeom eon sa preliminary investigation ro 17 nga kaso it vote-buying ag vote-selling ko May 9 elections.
Suno kay John Rex Laudiangco, Acting spokesperson it Commission on Elections (COMELEC), humampak eon sa 113 ro kasong nai-report kanda.
Kaparte raya it Task Force Kontra Bigay it COMELEC nga tuyo nga masuk-ean ro pagbaligya it boto sa tyempo it eleksyon.
Sa makaron, owa pa ginpasa-publiko kung may una eon nga high-profile candidates nga kaibahan sa listahan bangud sa Comelec Law Department pa ro kaso.
