Kapin sa 17 milyong laying hens ro ginpatay nationwide sa nasyon it Japan.
Raya hay kasunod it Bird flu outbreak agud nga malikawan ro pagkalhit it virus sa iba pang poultry farm.
Bangud kara, ginpahayag ni Bombo International Correspondent Josel Palma it Tokyo, Japan nga nagaproblema makaron ro gobyerno it maeobngan it mga manok para sa proper disposal kara bangud sa kakueangan it eogta.
Bilang domino effect hay nagtaas ro presyo it karne it manok ag itlog sa mga merkado.
Mag-eowas kara, pilang mga kilaeang restaurant hay nagpull-out it menu nga may manok ag kapin sa 28% it mga restaurants ro nagpull-out it 15 ka mga recipes nga ginagamitan it ingredient nga itlog.
Agud nga inde macontaminate ro water supply hay nagahimo eon ro gobyerno it pamaagi para madispose it maayos ro mga higko it manok ag ro mga nagmaeasakit nga sapat.
Sa kabilugan nga 37 nga prefecture it Japan hay 26 prefecture ro tinamaan it Bird Flu kon sa siin 16 prefecture ro eubus gid nga nadaeasa nga nagkaeaubos ro haeos tanan nga mga alagang manok it mga poultry raisers.
Sa makaron suno kay Palma hay sigidas ro paghimo it tikang it gobyerno agud nga masolusyunan ro nasambit nga problema.
