KALIBO, Aklan—Nagsaka pa sa kabilugang 1,396 ro kumpirmadong kaso it Coronavirus Disease 2019 ukon COVID-19 sa bilog nga probinsya it Aklan.
Base sa datus nga ginpagguwa it Aklan Provincial Epidemiology Surveillance Unit it Provincial Health Office, raya hay bangud sa 17 nga panibag-ong nagpositibo sa deadly virus nga gina kaeakipan it tig-6 nga kaso maghalin sa banwa it Ibajay ag Malay, 3 sa Makato ag tig sambilog sa Batan ag Banga.
Sa pihak kara, may 18 man nga nagdugang sa listahan it mga nagmayad rason nga humampak eon sa 1,210 ro total recoveries.
Samtang, nagapabilin sa 35 ro numero it mga namatay bangud sa nasambit nga sakit.
Sa makaron, 152 pa ro nabilin nga aktibong kaso nga ginakaeakipan it 130 nga naka-facility quarantined, 13 nga admitted sa Aklan Provincial Hospital ag 9 nga naka-home quarantined.
