INTERNATIONAL News — Nagsaka eon sa 17 ro patay kasunod it pagkatiphag it naga-isaeahanon nga landfill site sa Kampala, ro kapital it Uganda.
Ginapatihan nga bangud sa sigidas nga pag-ilinuean sa sueod it sang domingo rason nga nag-collapse ro mga nakatambak nga basura butang kon ham-an nga natampukan ro kaiping nga mga baeay kun sa siin nagakatueog pa ro mga residente.
Suno sa Uganda Red Cross, ko Domingo nga adlaw, nakutkut ro bangkay it ap-at nga iba pa rason nga nagsaka eon ro death toll sa 17.
Nauna eon nga ginpahayag ni President Yoweri Museveni nga ginmanduan eon kara ro prime minister nga makipag-angot sa mga pumueuyu agud nga ma-relocate sanda halin sa presenteng gina-istaran maeapit sa garbage dump.
Gin-umpisahan eon man ro imbestigasyon kun ano ro gintunaan it landslide ag may paandam nga may mga tikang nga paga-obrahon kontra sa mga opisyal nga mapamatud-a nga nagpabaya.
Sa nasambit nga insidente, 14 nga katawo ro na-rescue apang posible pa nga madugangan.
Ko 2017, 115 man ro napatay sa Ethiopia bangud sa garbage landslide sa Addis Ababa.
Sa Mozambique, 17 man ro nailistang namatay sa kapareho nga rason ko 2018 partikular eon sa Maputo.
