KALIBO, Aklan — Binatikos it progresibong grupo sa Aklan o uman nga pagharang kanda it mga otoridad nga makasueod sa isla it Boracay sa pangaywang kahigayunan agud magpatigayun konta it sang adlaw nga humanitarian mission.
Sa interview it Bombo Radyo, gin pahayag ni Kim Sin Tugna, provincial coordinator it Rise Up-Aklan nga indi sigon nanda maintindihan ro pag-discriminate kanda nga ro solong tinotuyo hay makabulig sa mga residente ag trabahador sa isla.
Gin baeabagan sigon sanda it Boracay security committee sa Tabon Port kaibahan ro 16 nga iba pang volunteers it grupong We Are Boracay, Friends of Boracay ag pilang estudyante ag manugturo it Iloilo Science and Technology University agud maghatud konta it 700 food packs sa isla.
Nagpanawagan man ro grupo nga untatan eon ro food blockade para sa mga gustong magbulig sa mga gutom eon nga residente it isla.
Ku nagtaliwan nga buean hay gin baeabagan man ro nasambitan mga volunteers nga magadaea konta it food supplies para sa mga apektadong residente ag trabahador.
Samtang, gin pahayag it DILG Region 6 nga limitado hasta sa makaron ro mga gina pasugtan nga makasueod sa Boracay agud malikawan ro mga kontrobersiya ag pag eabag sa guidelines nga gin taeana it Inter-Agency Task Force.
