KALIBO, Aklan — Kabilugan nga 173 ka mga daeagko nga establisyemento sa isla it Boracay ro nasayuran nga owa it Environmental Compliance Certificate (ECC) apang naga-operate.
Raya ro gin punto ni Senator Miguel Zubiri sa ginapatigayon nga senate inquiry sa isla it Boracay may kaangtanan sa ginapangatubang kara nga environmental problems.
Suno kay Zubiri ro nasambitang impormasyon hay nabuoe na sa bahin it Department of Environment and Natural Resources (DENR).
Dugang pa it senador nga sangka prerequisite ro pag-angkon it ECC.
Indi sigon pwede nga mataw-an it mayor’s permit ro sangka establisyemento kung owa raya it maipakita nga ECC maghalin sa DENR ag raya hay sangka polisiya.
Sa pihak nga parte, nasayuran nga ro Boracay hay sangka protected area ag nagakinahang-ean it ECC antes nga mataw-an it permit to operate.
