KALIBO, Aklan — Nagapadayon ro pagpaeapad ag pagpaayos it Kalibo International Airport.
Suno kay Civil Aviation Authority of the Philippines (CAAP)-Aklan manager Engr. Eusebio Monserate, Jr. ro bag-ong apron ukon plane parking bay ag taxiway hay mabuhay eon nga proyekto it Department of Transportation (DOTr) bilang kaparte it Kalibo International Airport Development Program.
Base sigon sa plano, 18 eroplano ro kapasidad it bag-ong apron ag taxiway, kon siin, pwede raya nga magbaton it B777-300 ER ag siyam nga A321-200, ap-at nga private jet ag iba pang maintok nga eroplanong pang-training.
Unang kaparte pa eamang sigon raya it tatlong phases it proyekto.
Ginpahayag pa ni Monserate nga mag-eowas sa Davao International Airport, kaibahan sa prayoridad it DOTr ro infrastructure projects sa paeoparan it Kalibo sa idaeom it “Build, Build, Build” program it administrasyong Duterte.
