Nagpahayag it kahauman nga mag-atubang sa pagpamati it Senate Blue Ribbon Committee ro 18 dating bodyguard ni ex-Ako Bicol Party-list Rep. Zaldy Co, suno sa andang legal counsel nga si Atty. Levito Baligod.
Suno kay Baligod, haum sandang tumestigo ag uwa sanda it kahadlok sa pagtambong sa imbestigasyon, apang aminado imaw nga may kabaeaka ro grupo sa posibleng pag-atubang sa panel nga gina-dumaeahan ni Sen. Erwin Tulfo sa paksyon ni Sen. Win Gatchalian.
Ginkabaeaka sigon it mga dating sunldado nga si Tulfo hay sambilog sa mga nasambit sa andang salaysay angot it pagbaton sigon it “maleta” it kwarta, sa pihak nga mahugot rayang ginpamalibaran it senador.
Bangud kara, nagakabaeaka ro grupo nga posible sandang pasibangdan it pagpinuril ag ma-cite in contempt, nga posibleng umabot sa andang detensyon sa Senado kun ingkaso bukon pabor ro magiging pahayag nanda sa pagpamati.
Ginklaro man it abogado nga una sa desisyon eon it senador kun imaw hay maga-inhibit sa igapatigayon nga imbestigasyon.
