KALIBO, Aklan—Naga-abot eon sa 18 nga ka bangko sa Aklan ro naka-experiensiya nga magpundo it operasyon matapos nga tamaan it COVID-19 ro pila sa andang mga empleyado.
Raya ro ginpahayag ni Mr. Leander Tejada, Presidente it Philippine Bankers Association Aklan chapter matapos nga magtuhaw ro pandemya.
Suno kana nga kaabuan sa mga banko sa probinsiya hay owa it kabulig nga branch rason nga kon ipaidaeum sa lockdown, ro eubus nga apetado hay ro mga kliyente.
Nagapabilin suno kana nga ro banking hour sa Kalibo sandig sa Executive Order ni Mayor Emerson Lachica hay alas-9 it agahon hasta alas-2 it hapon nga makabig nga masyadong kabos para sa andang mga transaction.
Gin-engganyo man nana ro tanan nga mag avail it mga serbisyo it banko kapareho it personal online banking , business online banking ag ATM para sa mga naga withdraw agud nga malikawan ro face to face transaction.
Ro mga may transaction sa mga nagsarado nga banko nga owa it branch sa aklan hay pwedeng makipag angot sa pinakamaeapit nga sanga sa Roxas ag Antique.
Sa “25 member banks” sigon nanda sa aklan hay gin-abisuhan ro mga raya nga ipabilin nga bastante ro sueod nga kwarta it andang mga ATM machines.
