Nagpaguwa ro Las Piñas Regional Trial Court it warrant of arrest kontra sa 18 dating bodyguard ni dating kongresista Zaldy Co, nga kilaea bilang “maleta boys,” angot it kasong 4 counts it perjury nga ginpasaka kontra sa kada isaea.
Gintaeana it korte ro piyansang ₱18,000 kada kaso, ukon kabilugan nga ₱72,000 para sa temporaryong paghilway it kada akusado.
14 sa mga akusado ro insigida nga nagtambong sa korte para mag-tao it piyansa, samtang ap’at sa dating bodyguard ro naunang nag-bawi sa andang mga salaysay.
Ro mga indi maka-pyansa sa gintaeana nga tyempo hay nakataeanang arestuhon it Las Piñas Police.
Nag-ugat ro kaso sa mga alegasyon it mga dating bodyguard angot sa flood control kickback sigon, nga mahugot nga ginpamalibaran it mga ginakonekta nga opisyal.
Mageuwas sa perjury, nagapangatubang man ro grupo ag andang abogado sa an-om nga kasong cyber libel sa nagkaeain-eain nga korte sa Metro Manila.
