NATIONAL News — Indi maganaba sa 19 nga mga biktima it human trafficking ro gin-eowas it Philippine Coast Guard (PCG) sa Central Tawi-Tawi.
Sakay ro mga raya it passenger ferry nga paagto sa Malaysia ko Biyernes, October 11.
Base sa report, ginpahayag it PCG nga na-rescue ro mga biktima matapos nga na-track ro mga raya it Sea Marshal Unit samtang nga nagabiyahe ro mga raya halin sa Zamboanga paagto sa port it Bongao nga pagagamiton kunta nandabilang jump-off point paagto sa Malaysia.
Ro nasambit nga unit ro naga-akto bilang intelligence information.
Suno PCG, gin-alerto man nanda ro Maritime Police ag Maritime Inter-Agency Council Against Trafficking angot sa andang pag-rescue sa nasambit nga mga biktima sa barko nga MV Ever Queen of Asia.
Nagaguwa sa inisyal nga imbestigasyon nga gin-recruit sa Zamboanga peninsula ro 19 nga mga biktima.
Ginpaidaeum ro mga raya sa Ministry of Social Service and Development sa Bongao para sa psychological counseling ag assistance.
Ginpasiguro man it ministry nga eowas nga maka-uli sa andang mga lugar ro mga biktima.
