KALIBO, Aklan—Nagapati si Bombo International Correspondent Denmark Suede it Australia nga nakaangkon it mga pag-eabag sa protocol ro pilang crew members it mga barko nga nagadungka sa Pilipinas.
Raya hay kasunod it napabalita nga 19 sa 21 nga crew members nga sakay it cargo ship nga nagdungka sa Queensland sa Australia ro nag-positibo sa Covid-19.
Ginasugid nga puro Pilipino ro sakay kara nga crew.
Ro bulk carrier nga nagdungka sa Torres Strait ko Hulyo 28 hay naghalin sa Pilipinas ko hulyo 12 , kun sa siin insigidang gin alerto ro mga otoridad matapos nga ro kaabuan sa mga crew kara hay may sakit.
Suno kay Suede nga base sa pilang mga impormasyon, kaeabanan eamang sa mga ginapaidaeum sa quarantine hay ro mga crew samtang ro mga opisyal it barko hay ginapasugtan nga magguwa-sueod sa barko.
Sa makaron, 6 sigon sa mga may sintomas hay gindaea sa ospital sa Brisbane samtang ro nabilin nga staff hay magapabilin sa barko para sa maintenance purposes.
Posible suno kana nga magbalik sa point of origin ro barko apang kon indi masarangan it nabilin nga crew ro pag-eayag hay magapadaea it bag-ong crew ro kompaniya it nasambit nga bulk carrier.
Mag-eowas kara, sambilog pang pinoy nga nagguwa sa hotel quarantine ko Hulyo 17 ro na-detect nga nagpositibo sa deadly virus ko Hulyo 22.
