KALIBO, Aklan—Ginapatihan nga namatay bangud sa suffocation ro kapin sa 19 nga katawo sa ginakabig nga sambilog sa pinakamabahoe nga sunog nga natabu sa sangka residential apartment sa Bronx sa New York City.
Suno kay Bombo International Correspondent Greg Aguilar nga sa siyam sa mga biktima hay puro mga inunga.
Gindaea ro iba pang mga naninahan sa ospital matapos nga mag angkon it lastro sa nagkaeain-eain nga parte it anang eawas.
Nagbueuligan ro masobra sa 200 nga miyembro it New York City Fire Department agud nga matapna ro sunog sa 19-story apartment nga makabig nga pinaka-worst sa kasaysayan.
Ginasugid nga naghalin ro sunog sa duplex apartment it ikaywa ag ikatlong panaegan.
Gindugang pa ni Aguilar nga base sa inisyal nga imbestigasyon, posibleng bangud sa nasamad nga space heater naghalin ro kaeayo kasunod it naexperiensiyahan nga winter ukon sobrang eamig sa nasambit nga nasyon.
