19 patay sa pagkarumpag it edipisyo sa India bangud sa mabaskog nga uean

Patay ro kapin sa 19 katawo bangud sa pagkarumpag it ap-at nga panaegan nga edipisyo sa Mumbai, India.

Ginapatihan nga raya hay bangud sa mabaskog nga pagbubu it uean.

Naeuwas man it mga rescuers ro kapin sa 14 katawo nga insigidang gindaea sa ospital.

Nabudlayan ro mga rescuers sa pagresponde bangud sa padayun nga pagbubu it mabaskog nga uean sa nasambit nga lugar.