19 patay sa pagsabog it oil tanker sa tunnel sa Afghanistan

Patay ro 19 katawo ag maabu ro naninahan kat mag-eontad ro sunog sa sangka oil tanker sa Afghanistan.

Gulpi eamang nga nagkaeayo ro oil tanker kat mag-agi sa Salang Tunnel nga nagakonekta sa capital nga Kabul.

Maabu nga mga saeakyan man ro nasunog sa nasambit nga insidente.

Naga-abot sa 32 mga katawo ro ninahan ag insigida nga gindaea sa ospital.

Ginpasaeamatan man nanda nga ginsarduhan ro 2.6 kilometro nga tunnel nga may taas nga 11,154 talampakan.

Padayun nga nagapatigayun it  imbestigasyon ro mga otoridad sa natabo nga insidente.