-- ADVERTISEMENT --
KALIBO, Aklan — Magaagi sa banwa it Kalibo ro mga siklistang kaeakip sa 1st Ronda Pilipinas UCI 2019 sa Pebrero 12.
Suno kay Ronda Pilipinas project director Jaideep Chulani nga pila sa mga magaintra sa karera makaron nga dag-on hay halin sa Australia, Malaysia, Singapore, Indonesia, Vietnam ag Thailand.
Raya sigon hay sangka mabahoe nga international cycling stage race nga magalibot makaron nga dag-on sa Visayas.
Katuyuan it organisasyon nga maka-diskubre it mga batang Pilipinong siklista ag ma-promote ro mga manaming lugar sa Pilipinas.
Nagapati si Chulani nga pamaagi it sports event ag mga tourist attraction promotions hay maengganyo ro mga taga-Aklan kapin eon ro mga pumueoyo it Kalibo nga nagagamit it bisekleta nga sangka eco-friendly.
-- ADVERTISEMENT --
