MALAY, Aklan — Ginapuntirya it Malay-Boracay Tourism Office nga maabot ro 2.3 milyong visitor arrivals makaron nga dag-on.
Suno kay Kathrine Licerio, tagapaghambae it Malay-Boracay Tourism Office nga kumpiyansa sanda nga maabot ro nasambit nga numero bangud nga makaron pa eamang nga buean it Enero hay napabilin ro andang daily tourist arrivals sa haeos 7,000.
Nasayuran nga madinaeag-on nanda nga naabot ro target nga 2.1 tourist arrivals ko 2025.
Nagapabilin sigon nga pursigido ro andang taeatapan sa bulig it lokal nga gobyerno it Malay nga maka-engganyo it mas maabung dumueuong nga turista pinaagi sa pagpasakop sa mga World Travel Expo agud nga mataw-an sanda it kahigayunan nga maipakilaea ro isla sa mas maabung market.
Dugang pa ni Licerio ro waea-tuo nga pagkilaea sa Boracay kun sa siin ro pinaka-ulihi kara hay ro pagkilaea sa isla bilang World’s Leading Luxury Island Destination.
