Kalibo Aklan ———–Daywang ka mga Aklanon ro napilian it Civil Service Commission (CSC) bilang Dangal ng Bayan Awardee sa nagtapos nga 2021 Search for Outstanding Government Workers.
Ro mga nasambitan nga persona hay sanday John L. Alcasarin, Administrative Aid 1 it Local Government Unit (LGU) Numancia ag si Analyn Perez, Head Teacher III it Department of Education (DepEd)-Aklan.
Sa interbyu it Bombo Radyo, ginpahayag it sambilog sa mga Dangal ng Bayan Awardee nga si Analyn Perez nga eubos ro anang pagpasaeamat sa mga tawo nga nagbulig kanda agud nga maangkon ro nasambitan nga pasidungog.
Samtang nagapati man si Perez nga ro anang mga hinimuan nga proyekto para sa publiko ro naging basehan agud nga imaw hay mapilian.
Nasayuran nga mag-euwas sa certificate ag promotion hay makabatun man it cash prizes ro mga napili-an nga tagdaog sa nasambitan nga paindis-indis.
