KALIBO, Aklan — Ginkumpirma it recruitment agency nga kaibahan ro daywang Aklanon seafarers sa mga namatay sa nasunog nga barko Falkland Islands.
Sa interview it Bombo Radyo, ginpahayag ni Errol Robite, recruiter it mga biktimang sanday Virgilio “Jhon” Regencia Jr., 21, ag Justine Anipan, 20, parehong residente it Barangay Gibon, Nabas, Aklan nga kaibahan ro daywa sa mga namatay sa pagkasunog it Taiwanese fishing vessel.
May nabatia sigon nga pagsabog sa engine room antes natabo ro sunog, kon siin, tiempong idto naka-assign ro mga biktima.
Samtang, naka-istorya it pamilya it mga biktima ro mga survivors nga naka-uwi eon sa nasyon, kon siin, gin-istorya kara ro minatuod nga natabo.
Ginpasiguro man sa pamilya ro mga mababaton nga benepisyo halin sa kompaniya.
Nasunog ro barko ko Pebrero 11, 2019 sa nasambitang isla, kon siin, kaibahan ro daywang Aklanon sa limang Pinoy casualties sa 70 crew members.
Ro nasambitang barko hay nagadakop it mga tuna ag pusit nga ginahimong delata.
