National News———–Gilayon nga nagresponde ro Philippine Coast Guard (PCG) sa bungguan it daywang saeakyang pang-eawod sa Manila Bay anchorage area ukon sa guwa it Break Water.
Natabo raya kaina pasado alas-2:00 it agahon.
Sa inisyal na imbestigasyon, nasayuran nga ro BKM 104 hay sangka foreign utility vessel nga ginkontrata para magpatigayon it dredging ag iba pang land development activity nga kinahangean sa pagpatindog it New Manila Airport.
Katunga it MV Palawan Pearl ro naeunod makarun rason nga gina-aksyunan ro pobilidad nga makaangkon it pagkalhit it gasolina sa palibot kara.
Suno kay 2/E Rexchel Fabrigas it MV Palawan Pearl, haeos 3,000 litro it diesel ro sueod it oil storage tank it nasambitang barko antes pa natabo ro insidente.
May una man rayang mag-euwas pa sa sangka drum it diesel, 60 litro it engine oil ag limang litro it bilge oil.
Para ma-control ro pagkalhit it gasolina, maga-eatag it ap-at nga segment it oil spill boom ro PCG Marine Environmental Protection Command sa palibot it barko.
Sa pihak it insidente, owa man it nasakitan sa mga tripulante it daywang saeakyang pang-eawod.
Samtang, gin-abusahan man it PCG ro mga opisyal it daywang sea vessel nga magdihon it marine protest angot sa nasambitan nga insidente.
