Kalibo Aklan ——Daywang Australian gold hunters ro nakadiskubre it daywang mabahoe nga bueawan nga may gintingub nga timbang nga 7.7 pounds ag may ginatantiya nga balor nga naga abot sa $250,000 dollars ukon katumbas it P12.2 milyon pesos.
Suno sa magbayaw nga sanday Brent Shannon ag Ethan West, nga puro mga Aussie Gold Hunters, nakit-an nanda ro gold nuggets sa Tarnagulla, Victoria nga kilaeang minahan it bueawan .
Suno sa daywa nga pilang buean man ro inabot antes sanda nga nakabo-oe it pahanugot agud nga mag usoy it bueawan sa lugar.
Maskin nga dati eon sanda nga naka usoy it mga maisot nga bueawan hay makaron eamang sigon sanda nakakita it mga mabahoe nga gold nuggets sa nasambit nga gold field.
Tumaeagsahon man sigon nga sa sueod it sang adlaw nanda nakita ro daywang mga mabahoe nga si-ad it bueawan.
Suno sa mga eksperto, posibleng magtaas pa it 30% ro ginatayang presyo it daywang si-ad it gold nuggets kun sa sangka collector raya maibaligya .
