POLICE Report — Ginkakibot it mga pumueuyu ro nakita nga daywang chop-chop nga nagaka-agnas eon nga bangkay sa magkaseparado nga irigasyon sa daywang banwa sa Pangasinan.
Sa makaron hay indi pa matumod it kapulisan ro pagkatawo ag rason it pagkamatay it nakit-an nga daywang putoe ag nagaka-agnas nga bangkay sa magkaseparado nga irigasyon sa daywang banwa sa Pangasinan.
Unang nakita ro putoe ag nagaka-agnas nga eawas it sangka eaeaki sa banwa it San Quintin ko Sabado.
Ag ko Domingo, nakita man sa banwa it Luna ro sambilog pang putoe ag nagaka-agnas nga bangkay.
Gina-usisa eon makaron it forensic team ro mga nakit-an nga bangkay.
Indi pa matumod kun sambilog ukon magkaibang tawo ro mga nakit-an nga bangkay ag rason it ginkamatay it mga raya.
Gin-alerto eon ro iba pang mga kaiping nga Police Station kun may mga nai-report nga naduea nga mga indibidwal.
