KALIBO, Aklan — Kadungan it pagselebrar it Valentine’s Day, daywang dumueoong nga turista ro nadakpan sa aktong nagapakighi-eawas sa beachfront sa isla it Boracay.
Matsa uwa sigon it paki-alam ro daywa maskin nga maabong tawo ro nagaagi ag nagabueo it litrato sa andang kalaswaan, kon siin, nakapatong ro eaeaki sa babaye.
Samtang, ginmando eon ni Police Superintendent Antonio Dizon, hepe it Malay Police Station ro maid-id nga imbestigasyon may kaangtanan kara.
Sa nabueo nga impormasyon it Bombo Radyo Kalibo, ginkilaea it pulisya ro bystander nga nagsita sa daywa nga si John Villanueva, sa legal nga edad ag residente it nasambitang isla.
Natabo sigon ro eksena bandang alas-3:00 it aga-aga.
Dugang pa ni Dizon, kalapastangan sa sikat nga isla ro “intimate moment” it mga turista kon siin, hasta sa makaron hay gina-usoy pa ro mga raya.
.
