KALIBO, Aklan — Nakakulong ag nagapangatubang sa kasong grave scandal ag resistance and disobedience upon agent in authority ro daywang dumueoong matapos nga nadakpan sa aktong nakikipaghieawas sa kada isaea sa binit it baybayon sa back beach sa Sitio Bulabog, Brgy. Balabag, Boracay.
Nagpanago eamang ro mga raya it sangkiri sa sangka baroto samtang nagakasikaeom rason nga maabong residente ag bakasyunista ro nakakita, kon sa siin, ginboe-an sanda it litrato ag video it pila sa mga raya.
Parehong 26-anyos ro daywang turista nga ginakaeakipan it eaeaking Australian ag babayeng Briton.
Hub-eas sandang naabutan it mga nagrespondeng pulis.
Base sa imbestigasyon it Boracay police, bukon it magkarelasyon ro daywa ag nagsub-eang eamang sa nasambitang lugar.
Ginapatihan nga bangud sa idaeom it impluwensya it aeak rason nga nahimo it mga raya ro nasambitang nga butang.
Ginhana pa sigon it eaeaki nga magpaeagyo, apang naeagas raya it mga otoridad.
Base sa ordinansa, hugot nga ginabawaean sa isla ro pakikipaghieawas sa pampublikong lugar.
