POLICE Report — Patay ro daywang kaeaeakin-an nga nakataeana kunta nga maga-deliver it baboy matapos nga pangbarilon it owa pa nakilaea nga mga suspek sa national highway it Brgy. District 1, San Manuel, Isabela.
Nakilaea ro mga biktima nga sanday Lordwin Ganio, alyas “Igko” ag Christian Acierto nga parehong residente it Brgy. San Andres, Cabatuan, Isabela.
Suno kay PMaj. Jojo Turingan, hepe it San Manuel Police Station, sakay ro mga biktima it mini truck nga may plakang XGN 212 para magdeliver it mga baboy sa Public Market sa nasambit nga banwa kat magpundo sanda sa kilid it karsada ag dayun nga ginpangbaril it mga suspek nga nakasuksok it kulay itom nga jacket, short pants, ag itom nga helmet sakay it kulay itom nga motorsiklo.
Nag-angkon it igo it bala it baril sa nagkaeain-eain nga parte it eawas ro mga biktima nga naging rason it andang insigidang pagkamatay.
Madasig man nga nakapaeagiw ro mga suspek paagto sa parte it Aurora, Isabela.
Ginatumod pa it pulisya kun ano ro motibo sa pagpamaril sa dawyang biktima.
Hasta sa makaron hay nagapadayun ro manhunt operation it pulisya kontra sa mga suspek.
