KALIBO, AKLAN — Sinunog it mga owa pa nakilaeang mga suspek ro daywang heavy equipments it sangka construction company sa kilid it national highway it Brgy. Daguitan, Banga, Aklan.
Suno kay FO3 Joseph Dapitillo it Bureau of Fire Protection (BFP)-Kalibo, pasado ala-1:00 kaina it kaaganhon kat matabo ro pagpangsunog it mga heavy equipments it BSP Company, Inc. sa nasambitang lugar.
Kaeakip sa mga sinunog it mga suspek ro sangka grader truck ag pison nga sinabotahe it mga umatakeng kaeaeakihan nga nakasakay sigon sa daywang motorsiklo.
Gina sugid nga binuhusan it pintura ro mga heavy equipment ag gin silabam gamit ro sangka sueo.
Ro nasambitang mga heavy equipments hay ginagamit sa naga padayun nga road widening project sa Banga-Libacao road.
Ro mga suspek hay madasig nga nakapaeagyu matapos sunugon ro nasambitang mga heavy equipments.
Pagtimaeos ukon personal grudge ro gina panan-aw nga dahilan it mga otoridad matapos nga may pilang mga trabahador ro napahalin apang, padayun pang gina imbestigahan it Banga Municipal Police station at BFP ang insidente.
