Ginkumpirma ni Atty. Ariel Gepty, general manager it Aklan Electric Cooperative ukon Akelco nga ginkasugtanan sa ginpatigayon nga Annual General Membership Assembly ukon AGMA ko adlaw it Sabado nga 2 porsyento ro igaimponer nga surcharge sa mga member-consumer nga inde makabayad it andang electric bill sa eksaktong duedate.
Suno kana, ro nasambit nga kasugtanan hay gin-obrahan it resolution nga raya ro andang igapasa sa Energy Regulatory Commission ukon ERC para sa approval.
Sa oras nga maaprubahan it ahensya ro andang resolution hay gilayon man raya nga igaimplementar it Akelco.
Mag-eowas sa 2 percent nga surcharge hay makaangkon pa sigon sanda it disconnection fee nga P100 pesos.
Madumduman nga ro naunang ginduso it Akelco hay 10 porsyento apang hugot raya nga ginpamaeabagan it mga konsumidor partikular it mga negosyante bangud nga sa katong tyempo hay una pa sa recovery stage ro tanan bangud sa nag-agi nga pandemya.
