-- ADVERTISEMENT --
KALIBO, Aklan—Daywang ka mga indibidwal ro natigayon nga nasita it Kalibo PNP sa nagapadayon nga operasyon kontra sa pagsukoe sa Covid-19.
Sanday Argie Jawili, 25-anyos it Oyotorong St. Kalibo ag Jomer Alulod, 24-anyos it Brgy. Bulwang, Numancia hay nadakpan nga nag-eabag sa naga-iral nga curfew.
Sanda hay gin-aresto ag ginturn-over sa mga natungdan nga barangay council para sa nagakaigong disposisyon.
Nasayuran nga ro probinsya it Aklan hay nagapabilin sa modified general community quarantine kon sa siin hugot nga ginapairal ro pila ka mga health protocols agud nga daeayong matapna ro pagkalhit it deadly virus eabi pa makaron nga nakalista eon it local transmission ro banwa it Kalibo.
