Kalibo Aklan ———–Magapangatubang sa kasong pag-eabag sa Republic Act 9165 ukon Comprehensive Dangerous Drugs Act of 2002 ro daywang ka mga indibidwal matapos maaktuhan nga nagabaligya it marijuana sa Brgy. Manocmanoc, Boracay.
Ro mga suspek nga ginkilaeang sanday Johnbert Arabit, 21-anyos, tumandok it Tacloban City apang presenteng naga-istar sa nasambit nga barangay ag si Kenjie Miguel, 21-anyos, residente it Brgy. Balabag hay naaresto pinaagi sa ginpatigayong drug buy-bust operation it gintingob nga pwersa it Philippine Drugs Enforcement Agency ukon PDEA ag Malay PNP.
Narekober sa mga raya ro an-om ka pakete it marijuana nga suno kanda hay gin-order nanda raya online ag P1,000 nga marked money.
Ginatantyang nagabalor it kapin sa P6,000 ro market value it naaprehend nga illegal nga droga.
Ro daywa hay presenteng una sa kustudiya it pulisya para sa nagakaigong disposisyon.
